Miomalar uşaqlığın əzələ toxumasından qaynaqlanan xoşxassəli şişlərdir.

Aztibb.az-ın xəbərinə görə, bəzi vaxtlarda miomanın əlamətləri olmur, çünki miomaların ölçüləri, təsiri kiçik olur və yaxud da probleminiz olur, həkim müayinə etdikdə miomaların olduğunu görür. Hətta bəzi qadınlarda klimaks dövründə onlar sovurulurlar, kiçilirlər. Miomalar böyüyüb və ətraf toxumaları sıxanda artıq əlamətləri üzə çıxmağa başlayır.

Uşaqlıq miomasının əlamətləri hansılardır?

Aybaşı qanaxmasının sürətlənməsi və uzun müddət davam etməsi;

Qan laxtalarının ifraz olunması:

Aybaşıdan əlavə digər vaxtlarda qanaxma;

Qarının aşağı hissəsində və beldə ağrılar, ağrılar kütdürsə, sızıltıların olması;

Qəfil ağrı tutmaları;

Qonşu orqanların, sidik kisəsinin, bağırsaqların sıxılması ilə onların funksiyasının pozulması, məsələn tez-tez sidik ifrazı, qəbizlik;
Ayaqcıqlı, saplı miomaların burulması ilə qan dövranında pozulma, hətta burulmuş hissənin məhvi ilə kəskin ağrılar;

Hamiləliyin 20 həftəsindən sonra müşahidə oluna bilən aşağı boş venanın sıxılması ilə tənginəfəslik, ürək döyüntülərinin artması;

Çoxdüyünlü miomalar zamanı sonsuzluq (30% qadında müşahidə olunub) və s.

Miomaların simptomları fərqli olur, ona görə də həkim müayinəsi mütləqdir.