Avstraliyalı alimlər sübut ediblər ki, koronavirus beyin toxumasına uyğunlaşaraq, sinir sisteminin xroniki xəstəliklərinə səbəb olan neyrobioloji təzahürlərə səbəb olur.
Aztibb.az ensonhaber.com-a istinadən xəbər verir ki, Avstraliyanın Kvinslend Universitetinin tədqiqatçıları koronavirusun beyindəki neyronların və hüceyrələrin membranlarından sintez yolu ilə keçə bildiyini öyrəniblər.
Tədqiqatçılardan Martinez Marmol bildirib ki, tibbi ədəbiyyata görə, virus beynə daxil olduğu zaman ya hüceyrə ölümü baş verir, ya da infeksiya müşahidə olunur.
“Ancaq üçüncü ehtimalı da sübut etdik. Bu, sinir birləşməsidir. Koronavirusun davranışını anlamaq İİV, quduzluq, qızılca, Zika və sinir sisteminə hücum edən digər virusların nevropatologiyasını və fəaliyyətini başa düşmək yolunda mühüm addımdır”, – mütəxəssis qeyd edib.
Araşdırma "Science Advances" jurnalında dərc olunub.
