Hollandiyalı həkimlərin açıqlamalarına görə, təkrar koronavirusa yoluxmuş 89 yaşlı qadın dünyasını dəyişib.

Aztibb.az www.gazeta.ru-ya istinadən xəbər verir ki, bu barədə Oksford Universitetinin rəsmi internet səhifəsində yerləşdirilmiş məlumatda bildirilib. 

Alimlərin fikrincə, qan xəstəliyi və immun çatışmazlığından əziyyət çəkən qadın ilk yoluxmadan təxminən iki ay sonra ikinci dəfə koronavirusa yoluxub. 

Onun bir neçə gün sonra vəziyyəti ağırlaşıb və xəstəxanaya yerləşdirilib. İki həftə sonra isə xəstə vəfat edib.

Hollandiyanın “BNO” nəşri bu hadisənin təkrar infeksiyaya yoluxanlar arasında ilk ölüm olduğunu yazıb.