Qazax Müalicə Diaqnostika Mərkəzinin həkim biriqadası tərəfindən Qazax rayonun sərhəd kəndi olan Fərəhli kəndində səyyar tibbi müayinə aksiyası keçirilib.

Mərkəzdən Aztibb.az-a bildirilib ki, tibbi aksiyada vətəndaşlar terapevt, kardioloq, LOR, cərrah, EKQ müayinələrindən yararlanıblar.

Aksiyada 50 nəfər kənd sakini tibbi müayinədən keçib. Həmçinin vətəndaşlara evlərində tibbi xidmət göstərilib. 

Əsas məqsəd şəhərdən kənarda yerləşən yaşayış məntəqələrində yaşayan ahıl və həssas qrup insanların tibbi xidmətə əlçatanlığını təmin etmək, icbari tibbi sığortanın yaratdığı imkanlar çərçivəsində təqdim olunan xidmətlərlə bağlı onlar arasında maarifləndirmə işləri aparmaqdır.

Sağlamlıqlarında problemlər müşahidə olunanlara tövsiyələr verilib. İcbari tibbi sığortanın tətbiqi ilə bağlı onları maraqlandıran suallar cavablandırılıb.