Bu, koronavirusun artıq sətəlcəm və ya qrip kimi digər yoluxucu xəstəliklərdən əziyyət çəkən insanların sağlamlığını ağırlaşdıra bilən son dərəcə ciddi bir xəstəlik olduğunu göstərir.

Aztibb.az sciencealert.com-a istinadən xəbər verir ki, tədqiqat zamanı 2020-ci ilin fevral ayından iyul ayına qədər COVID-19 ilə əlaqəli bütün ölümlər haqqında məlumatlar təhlil edilib. Məlum olub ki, bu xəstəlikdən dünyasını dəyişən xəstələrin 89 faizində başqa xəstəliklər aşkarlanıb.

Qeyd edək ki, koronavirusdan dünyasını dəyişənlərin əksəriyyəti 65 yaşdan yuxarıdır və artıq başqa xəstəliklərdən əziyyət çəkirdi. Tədqiqat həmçinin müəyyən edib ki, koronavirus pandemiyası ürək-damar xəstəlikləri və xərçəng kimi digər sağlamlıq problemlərindən ölümlərin əhəmiyyətli dərəcədə artmasına səbəb olub.

İllinoys ştatının Şimal-Qərb Universitetinin pulmonoloqları, COVID pandemiyası səbəbiylə digər xəstəliklərə də diqqətlə yanaşmağın vacib olduğunu vurğulayıblar. Onlar xəstələrin səhhətində yaranan hər hansı problemi vaxtında aşkar etmək üçün müayinələrə, mütəxəssislərlə məsləhətləşmələrə və müalicələrinə davam etməyə çağırıblar.

Xatırladaq ki, Ümumdünya Səhiyyə Təşkilatının hesablamalarına görə, bu xəstəliyin dünyada pik həddə çatdığı 2021-ci ilə qədər koronavirusla birbaşa əlaqəli olan ölümlərin sayı üçdən dörd milyona qədər idi.