Qəbələ Rayon Mərkəzi Xəstəxanasında Azərbaycan xalqının Ümummilli Lideri, görkəmli siyasi və dövlət xadimi Heydər Əliyevin 100 illik yubileyinə həsr olunmuş tədbir keçirilib.

Xəstəxanadan Aztibb.az-a bildirilib ki, öncə Azərbaycan Respublikasının Dövlət Himni səsləndirilib, Ulu Öndər Heydər Əliyevin əziz xatirəsi bir dəqiqəlik sükutla yad edilib.

Daha sonra Qəbələ RMX PHŞ-in direktoru Ceyhun Əhmədov, cərrahi xidmətlər üzrə müavin Cəmil Ələkbərov, həkim oftalmoloq Səbinə Məmmədova və Xəstə Xidmətləri şöbəsinin qeydiyyat bölmə müdiri Lalə Mahmudova çıxış edərək müasir Azərbaycan dövlətinin memarı və qurucusu Heydər Əliyevin mənalı həyatından və çoxşaxəli fəaliyyətindən, Ümummilli Liderin ölkəmizin qüdrətlənməsində, xalqın rifahının yüksəldilməsində misilsiz xidmətlərindən bəhs ediblər.

Sonda Ulu Öndər Heydər Əliyevə həsr edilən videoçarx nümayiş olunub.