Pandemiya rəqəmsal dünyaya keçidi sürətləndirdi  
09.10.2020 16:04

Koronavirus pandemiyası rəqəmsallaşdırma prosesinin sürətlənməsinə gətirib çıxardı - istehlakçılar indi daha çox onlayn alış-veriş edirlər, getdikcə daha çox insan əsas informasiya və əyləncə mənbəyi kimi internetdən istifadə edir. 

 

Aztibb.az BMT-nin Xəbərlər xidmətinə istinadla xəbər verir ki, bu, Birləşmiş Millətlər Təşkilatının Ticarət və İnkişaf Konfransının (UNCTAD) ekspertləri tərəfindən aparılan araşdırmanın nəticələridir. Mütəxəssislər Çin, Almaniya və Rusiya da daxil olmaqla, bir neçə ölkənin sakinləri arasında sorğu keçirib.

 

Koronavirus epidemiyası başlayandan bəri elektron və rəqəmsal məhsulları onlayn satın alanların sayı 10 faiz, əczaçılıq məhsulları, həmçinin bağçılıq alətləri və avadanlıq alanların sayı 9 faiz, mebel 8 faiz, kosmetika və fərdi qulluq əşyaları alanların sayı 6 faiz artıb. Onlayn kurs keçənlərin sayı 8 faiz artıb.

 

“COVID-19 pandemiyası rəqəmsal dünyaya keçidi sürətləndirdi. İndi baş verən dəyişikliklər, qlobal iqtisadiyyat bərpa olunmağa başlayanda uzunmüddətli nəticələrə səbəb olacaq”, – deyə UNCTAD rəhbəri Mukisa Kituyi qeyd edib.

 

Respondentlərin yarıdan çoxu indi mal və xidmətləri internetdə daha çox sifariş etdiyini bildirib.

 

Onlayn alış-verişdə ən böyük artım inkişaf etməkdə olan ölkələrdə baş verib. Pandemiyadan əvvəl geniş yayıldığına görə elektron ticarətdə ən kiçik artım Almaniya və İsveçrədə qeyd edilib.

 

Eyni zamanda, pandemiyanın yaratdığı iqtisadi böhran və işsizlik səbəbindən internetdəki istehlakçı xərcləri azalıb. Ən çox zərər turizm sektoruna dəyib. Orta hesabla istehlakçılar səyahətə əvvəllər olduğundan 75 faiz daha az xərcləyib.

 

Onlayn rabitə sahəsindəki nəhənglər arasında "WhatsApp", "Instagram" və "Facebook", eləcə də "Messenger" pandemiya dövründə ən populyar şəbəkələr hesab edilir. Eyni zamanda, getdikcə daha çox insan "Zoom və "Microsoft Teams"da video zəngləri seçir.

 

Ekspertlər, həmçinin kiçik müəssisələrin onlayn ticarətə keçməyə daha yaxşı hazır olduqlarını da müəyyən ediblər.

 

Inveon elektron ticarət platformasının qurucusu və Baş direktoru Yomi Kastro deyib: “Elektron ticarəti öz iş strategiyalarının əsasına çevirən şirkətlər, pandemiyadan sonrakı dövrə hazırdır”.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!