Rusiyanın Moskva şəhərinin "LM-klinika" özəl tibb müəssisəsinin baş həkimi, həkim-ginekoloq, tibb elmləri üzrə fəlsəfə doktoru Xumar Məmmədova tərəfindən iyulun 25-də, saat 21:00-da "Papillomavirus infeksiyası: müasir müayinə və müalicə metodları" mövzusunda videokonfrans keçiriləcək.
Tədbirin əsas məqsədi xaricdə yaşayan Azərbaycan əsilli mütəxəssislərin öz bilik və bacarıqlarını yerli tələbə və mütəxəssislərlə bölüşməsidir.
Videokonfransda iştirak etmək istəyən rezident və həkimlər bu linkə daxil ola bilərlər.
Qeyd edək ki, Azərbaycan Respublikası Diasporla iş üzrə Dövlət Komitəsi və Azərbaycan Tibb Universiteti arasında əməkdaşlıq çərçivəsində həkim-rezidentlərə onlayn seminarlar keçirilir. Onlayn seminar, mühazirə və konfranslar Diasporla İş üzrə Dövlət Komitəsi tərəfindən həyata keçirilən “Beyin qazanma proqramı”ı çərçivəsində reallaşır.
Tibbin müxtəlif sahələrini əhatə edəcək onlayn seminar, mühazirə və konfransların silsilə xarakter daşıması nəzərdə tutulub.
