"Saçlara qulluq onları düzgün yumaqla başlayır".

Aztibb.az xəbər verir ki, bunu trixoloq Samirə Səmədova saçlara qulluq qaydalarından danışarkən deyib.

O, bidirib ki, qadınlar arasında aparılan sorğu heç də hamının bu məsələyə önəm vermədiyini göstərib.

Saçların yuyulmasında edilən bəzi səhvləri təqdim edirik:

1. Saçların vaxtı-vaxtında yuyulmaması. Bu zaman sebum çox artır, göbələk və bakteriyaların inkişafı üçün şərait yaranır.

2. Şampunun islanmamış saçlara, yəni birbaşa başın dərisinə sürtülməsi. Beləliklə yuyucu vasitə bərabər yayılmaya və şampunun tərkibində olan kimyəvi maddələr toksik təsir edə bilər.

3. Baş dərisinin dırnaqlarla skrablanması. Bu travmatizasiyadır. Tərkibində iri abrazivlər və duzlar olan skrablar da bura daxildir.

4. Şampunun kifayət qədər təmiz su ilə durulanmaması.