Oktyabrın 8-də Milli Məclisin Səhiyyə komitəsinin növbəti onlayn iclası keçirilib. Komitənin sədri Əhliman Əmiraslanov iclasın gündəliyinə yalnız bir məsələnin daxil edildiyini bildirib.
Aztibb.az xəbə verir ki, Milli Məclisin Mətbuat və ictimaiyyətlə əlaqələr şöbəsindən verilən məlumata görə, onlayn iclasda “İnsan orqan və toxumalarının donorluğu və transplantasiyası haqqında” qanun layihəsi üçüncü oxunuşda müzakirə edilib.
Əhliman Əmiraslanov qanun layihəsi ilə bağlı fikirlərini bölüşüb, sənədin əvvəlki oxunuşlarda müzakirələri zamanı deputatlar tərəfindən səsləndirilən təkliflərə nəzər salınıb.
Komitə üzvləri - Rəşad Mahmudov, Anatoliy Rafailov, Ülvi Quliyev, Sədaqət Vəliyeva, Kamilə Əliyeva, İlham Məmmədov, Məlahət İbrahimqızı, Kamaləddin Qafarov, Soltan Məmmədov və Müşfiq Məmmədli sənədlə bağlı fikirlərini bildirdikdən sonra qanun layihəsinin Milli Məclisin plenar iclasına tövsiyə edilməsi qərara alınıb.
