Martın 29-da Milli Məclisin Səhiyyə komitəsinin növbəti iclası keçirilib.
Aztibb.az AZƏRTAC-a istinadla xəbər verir ki, iclasda “Dərman vasitələri haqqında” Qanunda dəyişiklik edilməsi barədə qanun layihəsi birinci oxunuşda deputatlara təqdim olunub.
“Dərman vasitələri haqqında” Qanuna təklif olunan dəyişiklik səhiyyə və tibbi sığorta sahəsində idarəetmənin təkmilləşdirilməsi ilə əlaqədar hazırlanıb.
Yeni qanun layihəsinə əsasən, müvafiq icra hakimiyyəti orqanının müəyyən etdiyi orqan “qurum” dərman vasitələrinin ekspertizasının hansı hallarda aparılmasını müəyyən etdikdən sonra həmin hallar nəzərə alınır və Səhiyyə Nazirliyi, istehsal və ya topdansatış əczaçılıq fəaliyyəti ilə məşğul olan müəssisələr tərəfindən ölkəyə dərman vasitələrinin idxalı həyata keçirilir.
