Aztibb.az tibbi xəbərlər portalı Azərbaycan Respublikası Medianın İnkişafı Agentliyi tərəfindən aparılan Media Reyestri qeydiyyatından keçib.
Ötən həftə qeydiyyatdan keçmək üçün müraciət edən tibbi portalın müraciəti təsdiqlənib.
Qeyd edək ki, Aztibb.az tibbi portalı 2019-cu ildə fəaliyyətə başlayıb. Portal ölkəmizdə, eləcə də dünyada səhiyyə sahəsində klinik və eksperimental tədqiqatlara, tədbirlərə, həyata keçirilən yeniliklərə dair yazıları, açıqlamaları, xəbərləri təqdim edir.
Portalın hədəf auditoriyasını tibb, səhiyyə elmləri, səhiyyə xidmətləri, peşə və texniki sağlamlıq elmləri sahələrində çalışan alim, ayrı-ayrı ixtisas sahələrini təmsil edən həkim və mütəxəssislər, eyni zamanda onların fəaliyyət obyektləri təşkil edir.
Tibbi portalın məqsədi cəmiyyətin sağlamlıq problemləri və bu problemlərin tibbi-sosial amilləri ilə bağlı təcrübələrin, tədqiqatların, elmi biliklərin, məlumatların yayılması, ümumilikdə səhiyyə və cəmiyyət arasında ünsiyyətin gücləndirilməsinə töhfə verməkdir.
Aztibb.az tibbi xəbər portalı adından Medianın İnkişafı Agentliyinə minnətdarlığımızı bildiririk!
Aztibb.az dövlətimizin sağlam gələcək naminə qarşıya qoyduğu məqsəd və istiqamətlərdə fəaliyyətini bundan sonra da əzmlə davam etdirəcək!
