Ümumdünya Səhiyyə Təşkilatının qərarı ilə sağlamlıq və yuxu problemləri çərçivəsində hər il martın üçüncü cümə günü Ümumdünya Yuxu Günü kimi tibbi tarixə daxil edilib.

Aztibb.az xəbər verir ki, yuxu orqanizmin xüsusi vəziyyətidir. Araşdırmalara görə, həyatımızın təxminən üçdəbiri yuxuda keçir və bu, orta hesabla ən azı iki on illik deməkdir.

Yuxu zamanı gün ərzində orqanizmin itirdiyi enerji bərpa olunur və əsəb sistemi nizama düşür, gümrahlıq hissi yaranır.

Yatmazdan qabaq bir neçə sadə qaydaya əməl etmək lazımdır. Yuxudan əvvəl alkoqol və tərkibində kofein olan məhsulları qəbul etmək əsəb sisteminə mənfi təsir göstərir.

Unutmayaq ki, pis yuxunu gələcəkdə insult, infarkt, hipertoniya və digər ciddi xəstəliklərə doğru addım hesab edirlər. Eyni zamanda, normal yuxu ürək-damar və bir çox başqa xəstəliklərin, həmçinin piylənmənin profilaktikası üçün təsirli vasitələrdən biridir. Ancaq çox yatmaq heç də az yatmaqdan az zərərli deyil.

Normal yuxu müddəti sutkada böyüklərdə 7-8 saat, uşaqlara isə ən azı 10 saat təşkil etməlidir.

İcbari Tibbi Sığorta üzrə Dövlət Agentliyi sutkalıq yuxu tələbatını göstərən infoqram paylaşıb.