ATU-da universitetin İctimai səhiyyə fakültəsinin Tələbə Gənclər Təşkilatının (TGT) təşəbbüsü ilə "Tibb bacılığı nədir?" adlı tədbir keçirilib.

Aztibb.az-a ATU-dan verilən xəbərə görə, tədbirdə çıxış edən TGT-nin sədri, Azərbaycan Tələbə Gənclər Təşkilatları İttifaqının ATU üzrə nümayəndəsi Vaqif Abdullayev "Tibb bacısı" ixtisasının praktik əhəmiyyətindən söz açıb, tədbirin təşkilində dəstəyə görə fakültə dekanı, dosent Qalina Qəniyevaya və tədbirdə iştirakı üçün dosent İradə Əliyevaya minnətdarlığını bildirib. 

Daha sonra təşkilatın sədr müavini Rəna Cumayeva sözügedən ixtisasın yaradılması haqqında məlumat verib.

Tədbirdə Bakı Sağlamlıq Mərkəzinin icraçı direktorunun inzibati işlər üzrə məsləhətçisi, Türkiyədə Qazi Universitetini bakalavr, Hacəttəpə Universitetini isə magistr və doktorantura üzrə bitirmiş, “Pedaqogika və məşğulolma” sertifikasiyasından uğurla keçmiş dosent İradə Əliyeva "Tibb bacısı" ixtisası mütəxəssislərinin vəzifələri və fəaliyyəti haqqında danışıb, Türkiyədə magistratura və doktorantura təhsil pillələri haqqında iştirakçıları məlumatlandırıb.