Qədim dövrlərdən bəri bəşəriyyət beynimizin qocalması ilə bağlı suala cavab axtarır. Zamanla beyin fəaliyyətinin erkən uğursuzluğundan xilas olmaq üçün axtarışlar davam edir. 

Aztibb.az “Involta media” onlayın nəşrinə istinadən xəbər verir ki, herontologiya üzrə tanınmış mütəxəssis Aleksey Moskalevin müşahidələrinə görə, müxtəlif infeksiyalar və zərərli qidalar insan beyninin fəaliyyətinə zərərli təsir göstərə bilir.

"İnfeksiyalara COVID-19, qrip və herpesin patogenləri, uzun müddət davam edən stress, xroniki patoloji vəziyyətlər (hipertoniya, ateroskleroz, qan qlükozasının artması) daxil ola bilər", - A.Moskalev bildirib. Qeyd edib ki, bədəndə və beyində xroniki iltihab sənaye üsulu ilə işlənmiş qidaların təsirindən başlayır.

Bunlar kolbasa, çips, yarımfabrikatlar, həmçinin şirniyyatlar ola bilər. Alimin sözlərinə görə, düzgün balanslaşdırılmış qidalanma ilə beyni müalicə etmək olar. Müsbət nəticəni əldə etməyə kömək edəcək bir çox məhsullar var. Onların sırasında göyərti, tərəvəz, qoz-fındıq, giləmeyvə, meyvə, bibər, zəfəran, balıq və digər dəniz məhsulları var.