Tərtər Rayon Mərkəzi Xəstəxanasının peşəkar həkim və tibb işçilərindən ibarət geniştərkibli briqadasının iştirakı ilə rayonun Gülabatlı kəndinin sakinləri kütləvi tibbi müayinələrə cəlb olunublar.

Xəstəxanadan Aztibb.az-a bildirilib ki, əsas məqsəd rayonun kəndlərində Tərtər Rayon Mərkəzi Xəstəxanasına gəlməkdə maddi və fiziki çətinliyi olan xəstələr yerindəcə tibbi müayinə olunub müalicəyə cəlb olunmasıdır.

Aksiyada 23 nəfər şüa-diaqnostika, 15 nəfər pediatr, 9 nəfər ginekoloq, 11 nəfər qan analizi, 25 nəfər isə terapevt tərəfindən müayinə olunublar. 

Kənd sakinləri onlara göstərilən tibbi xidmətin səviyyəsindən razı qaldıqlarını bildiriblər.