Bakı Dövlət Universitetinin (BDU) Biologiya fakültəsinin “Biologiya” ixtisası üzrə IV kurs tələbələri Elm və Təhsil Nazirliyinin Biofizika İnstitutunda istehsalat təcrübəsinə başlayıblar.

Bu barədə Aztibb.az-a İnstitutdan məlumat verilib.

İstehsalat təcrübəsi Biofizika İnstitutu ilə BDU arasındakı birgə əməkdaşlıq müqaviləsinə əsasən keçirilir.

BDU tələbələrinə elmi müəssisənin strukturu, əsas fəaliyyət istiqamətləri, eləcə də laboratoriyaların iş fəaliyyəti barədə məlumat verilib.

Təcrübə dövründə tələbələr müəssisənin elmi işçiləri tərəfindən elmi tədqiqat işlərinə cəlb olunacaq, öyrəndikləri nəzəri bilikləri real iş şəraitində tətbiq etmək imkanı əldə edəcəklər.

Qeyd edək ki, təcrübə müddəti aprel ayının 19-da yekunlaşacaq.