Azərbaycan Respublikası Prezidentinin müvafiq sərəncamına və Nazirlər Kabinetinin müvafiq qərar və sərəncamlarına uyğun olaraq İcbari Tibbi Sığorta üzrə Dövlət Agentliyi (Agentlik) tərəfindən 2022-ci il üzrə koronavirus infeksiyası ilə mübarizə tədbirlərində iştirak edən tibb işçilərinə iş vaxtına/saatına mütənasib olaraq may-dekabr ayları üzrə müddətli əlavələr ödənilib. Tibb işçilərinə təxminən 1.7 milyon manatdan artıq yaxın, qeyri-tibb işçilərinə isə 233 min manata yaxın vəsait ödənilib.
Agentlikdən Aztibb.az-a bildirilib ki, tibb və qeyri-tibb tibb işçilərinə qeyd edilən aylar üzrə ödənilən müddətli əlavələrin məbləği aşağıdakı kimidir:
| Aylar | Dövlət tibb müəssisələri üzrə | Cəmi | |
| Tibb işçiləri | Qeyri-tibb işçiləri | ||
| May | 244 811,58 AZN (1 163 nəfər) | 24 008,55 AZN (415 nəfər) | 268 820,13 AZN (1 578 nəfər) |
| İyun
| 111 934,58 AZN (813 nəfər) | 15 965,01 AZN (293 nəfər) | 127 899,59 AZN (1 106 nəfər) |
| İyul | 232 109,62 AZN (1 246 nəfər) | 34 499,07 AZN (352 nəfər) | 266 608,69 AZN (1 598 nəfər) |
| Avqust | 428 380,54 AZN (1 817 nəfər) | 58 819,02 AZN (461 nəfər) | 487 199,56 AZN (2 278 nəfər) |
| Sentyabr | 301 862,90 AZN (1 605 nəfər) | 39 254,75 AZN (420 nəfər) | 341 117,65 AZN (2 025 nəfər) |
| Oktyabr | 167 470,32 AZN (1 158 nəfər) | 23 470,10 AZN (381 nəfər) | 190 940,42 AZN (1 539 nəfər) |
| Noyabr | 147 884,01 AZN (985 nəfər) | 22 398,78 AZN (341 nəfər) | 170 282,79 AZN (1 326 nəfər) |
| Dekabr | 99 077,47 AZN (787 nəfər) | 14 361,13 AZN (242 nəfər) | 113 438,60 AZN (1 029 nəfər) |
| CƏMİ: | 1 733 531,02 AZN (9 574 nəfər)
| 232 776,41 AZN (2 905 nəfər)
| 1 966 307,43 AZN (12 479 nəfər) |
Qeyd olunmalıdır ki, dövlət tibb müəssisələri tərəfindən göndərilən siyahılara uyğun olaraq Agentlik tərəfindən dekabr ayı üzrə müddətli əlavənin ödənilməsi davam edir.
Məlumat üçün bildirək ki, Azərbaycan Respublikası Nazirlər Kabinetinin 24 yanvar 2023-cü il tarixli 19 nömrəli Qərarına əsasən yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin əməkhaqlarına müddətli əlavələrin ödənilməsi 2023-cü il martın 1-dək uzadılıb.
