Birləşmiş Millətlər Təşkilatının Uşaq Hüquqları Komitəsinin 92-ci sessiyasında Azərbaycan Respublikası Hökumətinin beşinci və altıncı birgə dövri məruzəsinin təqdimatı ilə əlaqədar nümayəndə heyəti İsveçrənin Cenevrə şəhərində səfərdədir. Ailə, Qadın və Uşaq Problemləri üzrə Dövlət Komitəsi sədri Bahar Muradovanın başçılıq etdiyi nümayəndə heyətinin tərkibində səhiyyə nazirinin müavini İlqar Qasımov da təmsil olunur.

 

Səhiyyə Nazirliyindən Aztibb.az-a bildirilib ki, Azərbaycan Hökumətinin BMT-nin “Uşaq hüquqları haqqında Konvensiyası” üzrə beşinci və altıncı birgə dövri hesabatın təqdimatı sessiya üzvləri tərəfindən maraqla dinlənilib.

 

Daha sonra Birləşmiş Millətlər Təşkilatının Uşaq Hüquqları Komitəsinin ekspertlərinin sualları (1-6-cı klasterlər üzrə) Azərbaycan nümayəndə heyəti tərəfindən cavablandırılıb.