Aztibb.az "Həkimlərimiz tanıyaq!" rubrikasında Mingəçevir Şəhər Mərkəzi Xəstəxanasının (ŞMX) Poliklinika şöbəsinin həkim-kardioloqu Nuranə Hacızadə haqqında məlumatı təqdim edir:

N.Hacızadə 6 yanvar 1983-cü ildə Oğuz rayonunda anadan olub. 2001-2007-ci illərdə Azərbaycan Tibb Universitetinin Müalicə-Profilaktika fakultəsində təhsil alıb.

2007-2008-ci illərdə Bakı şəhər C.Abdullayev adına Elmi Tədqiqat Kardiologiya İnstitutunda internatura keçib.

2009-cu ildə Mingəçevir ŞMX-nın 2 saylı Poliklinikasında əmək fəaliyyətinə başlayıb.

2012-2013-cü illərdə Rusiya Federasiyasının Moskva Şəhər B.V.Petrovski adına Elmi Tədqiqat Cərrahiyyə İnstitutunda EXO-Kardiologiya üzrə Həkimləri Təkmilləşdirmə kursu keçib.

2014-cü ildən etibarən Mingəçevir ŞMX-nın Poliklinika şöbəsində həkim-kardioloq vəzifəsində çalışır.