Fransanın tibbi cihaz istehsalçısı “Withings” şirkəti evdə sidiyi analiz edə bilən miniatür qadceti Avropa bazarına çıxarmağı planlaşdırır.  

U-Scan cihazı unitazın içərisinə yerləşdiriləcək. Cihaz həm tibb müəssisələrində, həm də xəstələrin evlərində istifadə oluna bilər.  

Aztibb.az medvestnik.ru-ya istinadən xəbər verir ki, onun köməyi ilə diabet, xroniki böyrək xəstəliyi, böyrək daşları və sidik yollarının infeksiyaları kimi xəstəliklərin diaqnostikası nəzərdə tutulur. 

U-Scan biomarkerləri qiymətləndirmək üçün nəzərdə tutulmuş xüsusi oxuyucudan və dəyişdirilə bilən analiz kartricindən ibarətdir. Cihaz sidik ifrazı zamanı avtomatik olaraq az miqdarda sidiyi tutur və kimyəvi analizini aparır. Nəticələr avtomatik olaraq Wi-Fi vasitəsilə “Withings” proqramına ötürülür. 

Şirkət hazırda cihazın sistin və sidik turşusu nefrolitiazı olan xəstələrin monitorinqinə necə təsir etdiyini, həmçinin onun sidik kisəsi və yumurtalıq xərçənginin qeyri-invaziv aşkarlanması üçün uyğun olub olmadığını öyrənmək üçün klinik tədqiqat aparır.