Araşdırmalara görə, gündəlik qəhvə içmək bağırsaq xərçəngi riskini azaldır.

Ötən həftə "JAMA Oncology" jurnalında mövzu ilə bağlı tədqiqat yayımlanıb. Bu araşdırmada irəliləmiş bağırsaq xərçəngi səbəbi ilə kimyaterapiya və digər müalicələrin planlaşdırıldığı xəstələr müalicənin başlanğıcında qəhvə içiblər.

Tədqiqatda qeyd olunur ki, gündə 2 və ya 3 stəkan qəhvə içmə vərdişi olanlarda, heç olmayanlara nisbətən yaşama şansı 18 faizdən daha çoxdur.

Gün ərzində 4 stəkan və ya daha çox qəhvə içənlər isə, heç içməyənlərlə müqayisədə 36 faiz daha çox yaşayır.

Daha əvvəllər də bağırsaq və südvəzi xərçəngi yaranma riskinin qəhvə içməklə azaldığına dair məlumatlar mövcud idi.

Lakin digər tərəfdən, ötən il artıq miqdarda qəhvə içməyin ağciyər xərçəngi riskini artırması ilə bağlı araşdırma da aparılmışdır.