Azərbaycanın Laçın-Xankəndi yolunda ekoloqların dekabrın 12-dən başlayan aksiyası artıq 25 gündür fasiləsiz şəkildə davam edir.

Havanın soyuq olmasına baxmayaraq, aksiya iştirakçılarının fəallığı müşahidə olunur. Onlar Azərbaycan ərazilərində faydalı qazıntı yataqlarının qanunsuz istismarından irəli gələn ekoloji fəlakət və digər fəsadlar ilə bağlı ilkin monitorinqin aparılmalı olması barədə hər gün mütəmadi olaraq şüarlar səsləndirirlər. İştirakçıların səsləndirdikləri “Ekoloji terrora son!”, “Azərbaycan oyaqdır, sərvətlərə dayaqdır!” şüarları Qarabağ səmasına yayılır.

Qeyd edək ki, Rusiya sülhməramlılarına məxsus təminat-təchizat avtomobilləri Laçın-Xankəndi yolunda dinc aksiya keçirilən ərazidən maneəsiz hərəkət edə bilirlər. Aksiya zamanı gecə və səhər saatlarında təhlükəsizlik qaydalarına riayət olunur, heç bir insident müşahidə edilməyib.