Dünya Azərbaycanlılarının Həmrəyliyi Günündə Azərbaycanın Qarabağ iqtisadi rayonunda faydalı qazıntı yataqlarının qanunsuz istismarına qarşı Xankəndi-Laçın yolunda keçirilən etiraz aksiyası  davam edir.

Aztibb.az xəbər verir ki, fasiləsiz dinc aksiya iştirakçıları bayram günlərində də qətiyyət nümayiş etdirirlər, toplanış yerində etirazçılar yüksək əhval-ruhiyyədədirlər.

Aksiyaçıların toplaşdığı ərazidən keçən yolda ilk gündən olduğu kimi, hazırda da sərbəst hərəkətə heç bir maneə yoxdur. Yol humanitar məqsədlər üçün tam olaraq açıqdır.

Xatırladaq ki, Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda keçirilən etiraz aksiyası 20 gündür davam edir.