Aztibb.az STM-ə istinadla xəbər verir ki, tibb müəssisəsinin kollektivinin qatıldığı tədbiri giriş sözü ilə açan Perinatal Mərkəzin rəhbəri Təranə Rəcəbli rəhbərlik etdiyi müəssisənin cari ildəki fəaliyyətindən danışıb və 2023-cü ildə qarşıdan duran vəzifələri diqqətə çatdırıb.

 

Perinatal Mərkəzin kollektivi arasında keçirilmiş sorğunun nəticələrinə görə, "İlin həkimi" nominasiyası üzrə qalib olan Anesteziologiya-reanimatologiya şöbəsinin müdiri Yelmar Süleymanov, Ginekologiya şöbəsinin müdiri Natiq Əliyev və Neonatal reanimasiya və intensiv terapiya şöbəsinin müdiri Yeganə Ağayeva, eləcə də "İlin tibb bacısı" adını qazanan Baş tibb bacısı Qızılgül Cəlladova rəhbərlik tərəfindən təltif edilib.

 

Bununla yanaşı, Perinatal Mərkəzin “Tibb bacısı və mamalığın gücləndirilməsi üzrə Azərbaycan Simpoziumu” çərçivəsində keçirilən təlimdə iştirak edən tibb bacılarının sertifikatları təqdim edilib.

 

Sonda T. Rəcəbli kollektivə gələcək fəaliyyətlərində uğurlar arzulayıb.