Türkiyənin Bezmialem Vakıf Universitetinin Tibb fakültəsinin Tibbi biokimya kafedrasının müdiri, professor Abdurrahim Koçyiğit və Anatomiya kafedrasının professoru Mustafa Büyükmumcu Azərbaycan Tibb Universitetinin qonağı olublar.

Bu barədə Aztibb.az-a ATU-dan bildirilib.

Qonaqlar ATU-nun İnsan anatomiyası və tibbi terminologiya kafedrasında olub, kafedra müdiri, dosent Anar Abdullayevlə görüşüblər. Onlara kafedranın tarixi, anatomiya fənninin tədrisinin təşkili və kafedrada aparılan elmi-tədqiqat işləri haqqında ətraflı məlumat verilib.

Sonra türkiyəli professorlar kafedrada fəaliyyət göstərən “İnsan anatomiyası” muzeyini gəzib, muzeydə saxlanılan unikal eksponatlarla yaxından tanış olublar. Alimlər kafedranın qonaq dəftərinə öz ürək sözlərini yazıblar.

Qonaqları ATU-nun Beynəlxalq əlaqələr şöbəsinin müdiri, dosent Müşfiq Orucov müşayiət edib. Görüşdə, həmçinin kafedranın əməkdaşları dosent Misir Bayramov və dosent Sədaqət Rüstəmova iştirak ediblər.

Daha sonra ürkiyəli professorlar ATU-nun Bioloji kimya kafedrasının müdiri, professor Gülnarə Əzizova ilə görüşüb, tədris və elmi-tədqiqat məsələləri ətrafında fikir mübadiləsi aparıblar.