Azərbaycanın ən böyük dövlət tibb müəssisələrindən biri olan Kliniki Tibbi Mərkəz (KTM) 10 korpus və köməkçi tikililərdən ibarətdir. Mərkəz Bakı şəhəri, Nəsimi rayonu, M.Mirqasımov küçəsi 1 ünvanında yerləşir.

 

Kliniki Tibbi Mərkəzdə Poliklinika, Terapiya, Nevrologiya, Kardiologiya, Travmatologiya, Laboratoriya, Cərrahi reanimasiya, Ümumi terapevtik reanimasiya, Üz-çənə cərrahiyyəsi, Təcili Təxirəsalınmaz Tibbi Yardım, Endoskopiya, Radiologiya, Urologiya, Cərrahiyyə, Neyrocərrahiyyə, Uşaq cərrahiyyəsi, Toksikologiya, Qan Bankı, I Yoluxucu xəstəliklər, II Yoluxucu xəstəliklər, Fizioterapiya, Doğum-Ginekologiya, Doğum reanimasiyası, Nefrologiya və Hemodializ şöbələri mövcuddur.

 

Ş.Ələsgərova adına 5 saylı Kliniki Doğum Evi və Ə.F.Qarayev adına 2 saylı Kliniki Uşaq Xəstəxanası da Kliniki Tibbi Mərkəzin tabeliyində fəaliyyət göstərir.

 

Mərkəzdə 1 aprel 2021-ci il tarixindən etibarən icbari tibbi sığorta sistemi tətbiq olunur. Hər bir Azərbaycan vətəndaşı icbari tibbi sığorta ilə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilər. Bunun üçün sadəcə şəxsiyyət vəsiqəsi yetərlidir.

 

Qeyd edək ki, gün ərzində Kliniki Tibbi Mərkəzə müraciət edən pasientlərin sayı 1200-1500 arası dəyişir.

 

Mərkəzin fəaliyyəti barədə daha çox məlumat almaq üçün:

 

Əlaqə nömrəsi: (+994 12) 597-98-92

E-poçt: ktm@tabib.gov.az