Aztibb.az ETPİ-yə istinadla xəbər verir ki, seminarda institutun direktoru t.ü.f.d.,dos Allahverdi Musayev, baş həkim uzman doktor Azər Əhmədov, direktorun elmi işlər üzrə müavini t.e.d.,dos Nailə Rəhimova, elmi katib t.ü.f.d.,dos. Sevinc Nəsirova, həkim əməkdaşlar və həkim rezidentlər iştirak ediblər.

 

Uzman pediatr Aysel Mecidova və həkim rezident Südabə Hacıyeva “Kavasaki xəstəliyi” mövzusunda təqdimatla çıxış ediblər.

 

Uzman pediatr Aysel Mecidova Kavasaki sindromu (KS) və ya Kavasaki xəstəliyinin morfoloji olaraq əsasən kiçik və orta arteriyaların (koronar damarlar da daxil olmaqla) destruktiv-proliferativ zədələnməsi ilə (sistem vasküliti) xarakterizə olunan və qızdırma, selikli qişalarda, dəridə, limfa düyünlərində olan dəyişikliklər ilə müşayiət olunan kəskin bir xəstəlik olduğunu bildirib. 

 

Həkim rezident Südabə Hacıyeva xəstəliyin epidemiologiyasından, səbəblərindən, əlamətlərindən, müalicəsindən danışıb.

 

Sonda mövzu ətrafında müzakirələr aparılıb və iştirakçıların sualları cavablandırılıb.