İlk dəfə uşağın 6 aylığından başlayaraq 20 qram çəkilmiş yağsız ət körpənin rasionuna daxil edilməlidir. Əgər uşaq ət yemirsə, anlayışı yoxdur, 7 aydan uşağın qidasına ət əlavə edilirsə, o, mütləq əti sevəcək.

Aztibb.az xəbər verir ki, pediatr-neanotoloq, tibb üzrə fəlsəfə doktoru Nurəngiz Hacıyeva qoyun ətinin uşaqlara faydalarını sadalayıb:

- Qoyun ətində L karnitin var. 6 aydan ət qəbul edən uşağın qida əlavəsi kimi L karnitin içməsi mənasızdır;

- Digər ətlərlə (balıq əti, mal əti ) müqayisədə qoyun ətində omega 6:3 nisbəti ən idealdır. Uşaqlar qoyun əti yeyirsə balıq və onun yağın qəbul etməsinə ehtiyac yoxdur;

- Qoyun ətinin tərkibində orqanizmin tikinti materialı olan amin turşu karnozin var. Bu amin turşu damar tutulmasının, aterosklerozun qarşısın alır;

- B12 vitamini ən üstün miqdardadır. yaddaş üçün faydalıdır;

- Hazırda dişlərin erkən kariyesinə (çürüməsi) daha sıx rast gəlinir. Qoyun ətinin tərkibində kalsium, ftor, sink və fosfor var. Uşaqların sağlam diş bunövrəsin qoyur;

- Tərkibində olan qlutation antioksidantın qocalma əleyhinə təsiri var. Həmçinin dərinin turqorunu saxlayır;

- Tərkibində olan lesitin mədəaltı vəzin funksiyasını aktivləşdirir və şəkərli diabet xəstəliyinin inkişafının qarşısın alır;

- Ətin tərkibində olan zülal uşağın boyunun, beyninin, döş qəfəsinin inkişafı üçün əvəzolunmazdır;

- Yüksək bioloji dəyərli zülalla zəngin olan ət böyüyən uşaq orqanizminin qurulmasında və inkişafında, immun sistemin aktivləşməsində olduqca önəmlidir;

- Ətdə mənimsənilməsi ən asan olan dəmir anemiya və qan azlığının müalicəsində əhəmiyyətlidir. Qırmızı ət yeyən uşaqlarda heç vaxt qan azlığı olmur.

"Hər bir uşaq (insan) hər gün yumruğu boyda ət yeməlidir. Ət yeyən işağın yumruğu da dəmir kimi möhkəm olar", - deyə Nurəngiz Hacıyeva bildirib.

Müəllif: Nərgiz Qəhrəmanova