23 dekabr 2022-ci il tarixində Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının, “EGİS Pharmaceuticals PLC” və Ascent MMC şirkətlərinin birgə təşkilatçılığı ilə “Nefrologiyada müasir çağırışlara yeni baxış” mövzusunda beynəlxalq elmi konfrans keçiriləcək.

Gömrük Hospitalından Aztibb.az-a verilən məlumata görə, konfransda “Nefrologiyanın müasir klinik aspektləri”, “Hemodializdə sıx rast gəlinən problemlər” və “Nefrologiyanın müzakirəli mövzularına yeni baxış” başlıqlı 3 paneldə ümumilikdə 11 məruzə təqdim olunacaq.

Məruzələr müvafiq sahənin yerli və beynəlxalq yüksəkixtisaslı mütəxəssisləri tərəfindən təqdim olunacaq, eyni zamanda dinləyicilərin sualları cavablandırılacaq və panel müzakirələr təşkil olunacaq.

Əlçatanlığı təmin etmək məqsədilə konfrans hibrid formatda həyata keçiriləcək.

Proqrama uyğun olaraq tədbir nefroloq, uroloq, endokrinoloq, hematoloq, terapevt, kardioloq, infeksionist, anestezioloq-reanimatoloq, revmatoloq, təcili və təxirəsalınmaz tibbi yardım və onkoloq ixtisasına malik həkimlər və rezidentlər üçün nəzərdə tutulub.

Proqramın 80 faizini tamamlayan hər bir iştirakçıya 8 DTT balı və sertifikat veriləcək.

Yerlər məhdud olduğu üçün qeydiyyatdan keçmək mütləqdir!

Əlavə məlumat üçün linkə keçid edə biləriniz: https://customshospital.az/23-dekabr-nefrologiyada-muasir-cagirislara-yeni-baxis/#gsc.tab=0 

Qeydiyyatdan keçmək üçün link: https://forms.gle/JoP18UrcWeyEWEes5

Müəllif: Nərgiz Qəhrəmanova