Baş ağrıları və miqren üzrə mütəxəssis Sərxan Əmirquliyev Respublika Diaqnostika Mərkəzində (RDM) fəaliyyətə başlayıb.
Bu barədə Aztibb.az-a RDM-dən bildirilib.
Qeyd olunub ki, Sərxan Əmirquliyev Avropanın ən böyük miqren və baş ağrılar mərkəzi olan "Danimarka Baş Ağrılar Mərkəzində" işləyib.
Klinik təcrübə ilə yanaşı, Sərxan həkim Kopenhagen Universitetinin Nevroloji fakültəsində miqren patofiziologiyasının öyrənilməsinə həsr olunmuş beynəlxalq randomizəolunmuş tədqiqatlarda araşdırmaçı-həkim vəzifəsində çalışıb.
Sərxan Əmirquliyev "Headache” və “Cephalalgia” kimi dünyaca məşhur jurnallarda dərc olunmuş elmi məqalələrin müəllifidir.
O, həmçinin Almaniyanın Kristian Albrecht Universitetində miqren və baş ağrıları üzrə magistr təhsili alıb, Almaniyanın "Schmerzklinik" xəstəxanasında praktiki ixtisasartırma kurslarında iştirak edib.
Sərxan Əmirquliyev Azərbaycanda miqren və baş ağrıları sahəsində akademik təhsil almış, elmi- tədqiqat və klinik təcrübəsi olan yeganə həkimdir.
Peşəkar həkim artıq fəaliyyətini Respublika Diaqnostika Mərkəzində davam etdirəcək.
Müəllif: Nərgiz Qəhrəmanova
