Azərbaycanda ilk dəfə Avropa Uşaq Cərrahları Assosiasiyası (EUPSA) tərəfindən “1-ci Uşaq Endoskopik Cərrahiyyə master-klassı və seminar”ı təşkil olunacaq.

 

Aztibb.az K.Fərəcova adına Elmi-Tədqiqat Pediatriya İnstitutuna istinadla xəbər verir ki, seminarın 5-6 aprel 2023-cü ildə Bakı Sağlamlıq Mərkəzində keçirilməsi nəzərdə tutulub.

 

Tədbirin keçirilməsində əsas məqsəd regionun uşaq cərrahiyyəsinin dəstəklənməsində əhəmiyyəti və qabaqcıl endoskopik cərrahiyyədə uşaq cərrahlarına davamlı dəstəyi göstərməkdir.

 

Seminarda Böyük Britaniyanın London şəhərindən Avropa Pediatrik Cərrahlar Asossiyasının prezidenti Amulya Saxenanın, İspaniyanın Madrid şəhərindən İndalecio Canonun, Türkiyənin İzmir şəhərindən uşaq cərrahı prof. Orkan Ergunun, Ankara şəhərindən uşaq cərrahı prof. Tutku Soyerin, yerli təşkilatçılardan isə t.ü.f.d.,dos Allahverdi Musayevin, t.ü.f.d. Fuad Hüseynovun və uzman Cavid Nağıyevin mühazirələri və təcrübələri dinləniləcək.

 

Tədbirin ilk günündə endoskopik cərrahiyyə ilə idarə olunan ümumi, eləcə də müasir yanaşmalar haqqında mühazirələrdən ibarət olacaq və iştirakçılara fikir mübadiləsi aparılacaq həmçinin ekspertlərdən öyrənmək imkanı əldə etmək üçün interaktiv tədbir təşkil olunacaq. Aprelin 6-da isə seminar iştirakçıların bacarıqlarını təkmilləşdirmək üçün manekenlər üzərində praktiki təlimlər keçiriləcək.

 

 

Müəllif: Səadət Məmmədova