Aztibb.az xəbər verir ki, seminarda İnstitutun baş həkimi uzman doktor Azər Əhmədov, direktorun elmi işlər üzrə müavini t.e.d.,dos.Nailə Rəhimova həkim əməkdaşlar və həkim rezidentlər iştirak ediblər.

 

Uzman doktor Emil Nuriyev və həkim rezident Fidan Quliyeva “Stevens-Johnson sindromu” mövzusunda çıxış ediblər.

 

Stevens-Johnson Sindromunun səbəbləri, simptomları, diaqnozu, müalicəsi ilə bağlı suallar cavablandırılıb.

 

Uzman doktor Emil Nuriyev çıxışında Stevens-Johnson sindromunun dəri və selikli toxumaların zədələnməsinə səbəb olan nadir xəstəlik olduğunu bildirib. Qeyd edib ki, xəstəlik adətən qripə bənzər simptomlarla özünü göstərir, bədəndə tədricən yayılan və şişən ağrılı səpgilər əmələ gəlir, sonra təsirlənmiş dərinin yuxarı təbəqəsi ölür və soyulmağa başlayır.

 

Sonda mövzu ətrafında müzakirələr aparılıb.

 

Müəllif: Zamiq İbrahimov