Uzman həkim bildirib ki, ürək bypass əməliyyatından sonra yaxşı sosial dəstəyi olan xəstələrin sağalma və sağ qalma nisbətləri daha yaxşıdır. Həmçinin dörd ayaqlı dostlarınızla vaxt keçirməyin ürək sağlamlığına faydaları var.

 

"Sevdiyiniz insanlarla vaxt keçirmək qan təzyiqini aşağı salır.  Sevdiyiniz insanlar haqqında düşünmək də qan şəkərinin səviyyəsinə müsbət təsir edərək maddələr mübadiləsini tənzimləyə bilər. Gülüş qanınızın daha sərbəst axmasına səbəb olur", - deyə Cabir Gülmalıyev əlavə edib.

 

Onun sözlərinə görə, xoş duyğular oksitosin, dopamin, serotonin və endorfin kimi xoşbəxtlik hormonların səviyyəsini artırır, stress hormonlarının səviyyəsini azaldır. Nəticədə, bədəndə aterosklerozu artıran iltihablı reaksiya yatırılır, qan axını sürətlənir.