Dünyada hər 20 ölümdən birinin səbəbi şəkərli diabetdir. 2000-ci illərin əvvəlində şəkərli diabet xəstələrinin sayı 120 milyon idisə, hazırda bu xəstələrin sayı 430 milyondan çoxdur. 

Aztibb.az xəbər verir ki, Nərimanov Tibb Mərkəzinin Endokrinologiya şöbəsinin müdiri, tibb üzrə fəlsəfə doktoru Leyla Abbasova şəkərli diabet xəstəliyinin müəyyən olunması yollarından danışıb. 

Həkim bildirib ki, mütəmadi olaraq qan şəkərini yoxlamaqla şəkərli diabet xəstəliyini vaxtında aşkarlamaq mümkündür. 

L.Abbasova qeyd edib ki,  fiziki aktivliyi artırmaq məqsədilə piyada gəzinti, karbohidratları qida rasionundan çıxarmaq, stres və həyəcandan uzaq durmaqla bu xəstəliyin yaranmasının qarşısını almaq mümkündür.