Sumqayıt Tibb Mərkəzi (STM) orta ümumtəhsil məktəblərində maarifləndirici tədbirləri davam etdirir.

 

Aztibb.az xəbər verir ki, növbəti tədbir Sumqayıt şəhər 8 nömrəli tam orta məktəbdə keçirilib.

 

Valideynlərin iştirak etdiyi maarifləndirici tədbirdə STM-in 2 nömrəli Ailə Sağlamlıq Mərkəzinin (ASM) həkim-terapevti Gülşən Əsgərova “D vitamini çatışmazlığı”, həkim-pediatrı Müsənbər Səfərova isə “Kəskin respirator virus infeksiyalar” mövzularında geniş təqdimatla çıxış ediblər.

 

Qarşılıqlı fikir mübadiləsi şəraitində keçən tədbirdə valideynləri maraqlandıran suallar cavablandırılıb.

 

Eyni zamanda, STM-in İctimaiyyətlə əlaqələr bölməsinin əməkdaşları iştirakçıları icbari tibbi sığorta ilə bağlı maarifləndiriblər.