Noyabr ayının 11-də Baku Medical Plazanın “İnsult Mərkəzi” fəaliyyətə başlayıb. Mərkəzin açılış mərasimini mərkəzin nevroloqu uzm. Dr. Aydın Bayramov açıb. O, “İnsult Mərkəzi”nin strukturu, iş mexanizmi barədə məlumatlandırıb.

Tədbirdə həkimlər insult haqqında məlumat verərək insultun ilkin əlamətləri, xəstələrə göstərilən ilkin tibbi yardım barədə danışıblar.

Qeyd edək ki, “İnsult Mərkəzi” 7/24 fəaliyyət göstərəcək. Mərkəzdə ən müasir angioqrafiya cihazı istifadə olunmaqdadır.

İnsultsonrası reanimasiya ehtiyacı olan xəstələr üçün yenilənmiş tam təşəkküllü reanimasiya şöbəsi də istifadəyə verilib.

7/24 insult xəstələri üçün Təcili Yardım Xidməti ödənişsizdir.