"Həkimlərimizi tanıyaq!" rubrikamızda ümumi cərrah Toğrul Məhərrəmov haqqında məlumatları diqqətinizə çatdırırıq.

Toğrul Məhərrəmov 1984-cü ildə Sumqayıt şəhərində ziyalı ailəsində anadan olub. 2001-ci ildə Azərbaycan Tibb Universitetinin (ATU) I Müalicə-profilaktika fakültəsinə daxil olub. 2007-2008-ci illərdə Əfəndiyev adına Bakı şəhəri 2 saylı xəstəxanada internatura keçərək ümumi cərrah ixtisasına yiyələnib.

Pedaqoji fəaliyyətlə də məşğul olan Toğrul Məhərrəmov 2011-ci ildən 2021-ci ilədək ATU-nun III Cərrahiyyə kafedrasında müəllim işləyib.

O, 2021-ci ildən Respublika Kliniki Xəstəxanasının II Cərrahiyyə şöbəsində həkim - ümumi cərrah vəzifəsində çalışır.

Həkim müxtəlif ölkələrdə keçirilən cərrahiyyə kurslarında və konfranslarda iştirak edib.