ÜST: Teletəbabət daha çox sayda pasiyentə xidmət etməyə imkan verəcək
12.11.2022 11:38

COVID-19 pandemiyası dövründə bütün dünyada mütəxəssislər tərəfindən insanlara internet vasitəsilə göstərilən xidmətlərin həcmi kəskin şəkildə artıb. Bu baxımdan tibb sahəsi də istisna olmayıb. Təcrübə göstərib ki, həkimə distant rejimdə müraciət etmək, xüsusən ucqar rayonlardan və ya əhalinin aztəminatlı qruplarından olan pasiyentlər barədə söhbət gedəndə, bir sıra üstünlüklərə malikdir.

 

Aztibb.az Ümumdünya Səhiyyə Təşkilatının (ÜST) saytına istinadla xəbər verir ki, COVID-19 pandemiyasından sonrakı dövrdə səhiyyə sahəsinin silahlı münaqişələrdən və xəstəliklərin yayılmasından başlamış iqlim dəyişmələrinə qədər mürəkkəb problemlərlə üzləşdiyi şəraitdə teletəbabətin imkanlarından davamlı istifadəni təmin etmək üçün ÜST-də yeni təlimat hazırlanıb. Bu sənəd teletəbabət siyasətinin müəyyən edilməsinə, müvafiq metodların işlənib hazırlanmasına və tətbiqinə kömək edəcək.

 

Yeni sənəd ÜST-nin rəqəmsal texnologiyaların təbabətdə tətbiqinə dair təlimatı tamamlayacaq. Burada tibbi xidmətlərin maksimum sayda insanlar üçün əlçatanlığını təmin etmək məqsədilə teletəbabət proqramının planlaşdırılması, reallaşdırılması, dəstəklənməsi və onun büdcəsinin tərtib edilməsi prosesində ölkələrin görə biləcəyi praktiki tədbirlər təsvir edilir.

 

ÜST-də qeyd edirlər ki, teletəbabətin inkişafı yolunda əsas maneə, xüsusən inkişaf etməkdə olan ölkələrin ucqar rayonlarında internetə qoşulmaq imkanlarının aşağı səviyyədə olmasıdır. Bundan əlavə, bəzi pasiyentlər teletəbabətə mənfi münasibət bəsləyir, səhiyyə işçiləri ilə şəxsən ünsiyyətdə olmağı üstün tuturlar. Lakin ÜST-də əmindirlər ki, ənənəvi metodlarla bərabər teletəbabətin üstünlükləri mübahisə doğurmur. Təşkilat dünya ölkələrinin hökumətlərini digər rəqəmsal xidmətlərlə yanaşı tibbi heyəti müasir rabitə vasitələrinin köməyi ilə pasiyentlərlə ünsiyyət qaydalarını öyrətməyə, əhalini yeni imkanlar barədə maarifləndirməyə çağırır.

ÇOX OXUNANLAR
42 həkimin plastik cərrah kimi fəaliyyətinə icazə verilib - SİYAHI
Regionlarda fəaliyyət göstərən səhiyyə işçilərini tanıtmaqda davam edirik!
Yardımlının Avaş, Deman və Arvana kəndlərində aksiya: 116 nəfərə tibbi xidmət göstərilib
Rəşad Mahmudov:
 ATU-nun rektoru imtahanın gedişini izləyib   
Naxçıvanda cərrahi xəstəliklərin diaqnostikasına dair konfrans keçirilib
Xırdalan Ailə Sağlamlıq Mərkəzində tibbi aksiya keçirilib
Milli Hematologiya və Transfuziologiya Mərkəzinin hematoloqu tibb elmləri doktoru elmi dərəcəsini alıb
 “Həkimlərimizi tanıyaq!” rubrikası təqdim edir: İxtiyar Məhəmmədzadə
Mayın 1-dən xəstəlik vərəqi elektron sənəd formasında hazırlanacaq  
Səhiyyə naziri Qətərin ölkəmizdəki səfiri ilə görüşüb
Sumqayıtda TİBBİ AKSİYA: Hacı Zeynalabdin qəsəbəsində 120 vətəndaş oftalmoloji müayinə olunub
Ömrünün 27 ilini  Şəmkir Rayon Mərkəzi Xəstəxanasına bağlayan həkim - Yusif Məmmədov
Qubadlı RMX-nın direktoru vətəndaşların müraciətlərini dinləyib