İndiyə qədər təslim edilən avadanlıqların dəyəri 500 min dollar dəyərindədir.
Aztibb.az xəbər verir ki, bunu “COVID-19 əleyhinə vaksinasiyaya dəstək” layihəsi çərçivəsində soyuq zəncir sistemi avadanlıqlarının yerli səhiyyə tərəfdaşlarına təhvil-təslim mərasimində Ümumdünya Səhiyyə Təşkilatının (ÜST) Azərbaycandakı nümayəndəsi və ölkə ofisinin rəhbəri Hande Harmancı deyib.
“Bizim əsas məqsədimiz COVID-19 pandemiyası zamanı əldə etdiyimiz təcrübəni qüvvətləndirməkdir. Koronavirusa qarşı vaksinasiyaya dəstək layihələri bizi eyni zamanda digər viruslar əleyhinə vaksinlərin ölkə ərazisində daha rahat istifadə edilməsinə kömək edir. Biz avadanlıqlarla birlikdə öz təcrübəmizi də səhiyyə işçiləri ilə bölüşürük. Onların bilik və bacarıqlarının artırılması üçün təlimlərin keçirilməsi planlaşdırılır. Vaksinasiya ictimai sağlamlıq üçün ən vacib şərtdir”, deyə H.Harmancı qeyd edib.
