Elmi-Tədqiqat Tibbi Bərpa İnstitutunda 9 Noyabr - Dövlət Bayrağı Gününə həsr olunan tədbir keçirilib. 

Öncə Azərbaycan Respublikasının Dövlət Himni səsləndirilib, Vətən uğrunda canlarından keçən qəhrəman oğullarımızın xatirəsi bir dəqiqəlik sükutla yad edilib.

Tədbiri giriş sözü ilə açan institutun direktoru Pərvin Əkbərov üçrəngli bayrağımızın yaranma tarixindən, ilk dəfə 1918-ci ildə Azərbaycan Xalq Cümhuriyyəti dövründə təsis edilmiş dövlət bayrağımızın XX əsrin sonunda ümummilli lider Heydər Əliyevin təşəbbüsü ilə yenidən bərpa olunmasından, 2010-cu il sentyabrın 1-də Prezident İlham Əliyevin iştirakı ilə Bakı şəhərində Dövlət Bayrağı Meydanının açılmasından, dünyanın ən uca bayrağı olan Azərbaycan bayrağının təntənəli surətdə qaldırılmasından danışıb. Bildirib ki, and yerimiz olan bayraq dövlətimizin gücünü, xalqımızın milli birliyini, həmrəyliyini nümayiş etdirir.

Direktor Ali Baş Komandan İlham Əliyevin rəhbərliyi ilə müzəffər Ordumuz tərəfindən işğaldan azad olunmuş torpaqlarımızda Azərbaycanın üçrəngli, ay-ulduzlu bayrağının dalğalandığını qeyd edib.

Pərvin Əkbərov, eyni zamanda, üzərində Azərbaycan bayrağının da həkk olunduğu ETTBİ-nin loqosunun, ilk dəfə olaraq, məhz Dövlət Bayrağı Günündə təqdimatını edib.

Qeyd edək ki, Bayraq Gününə həsr edilmiş tədbirə rəhbərlik və kollektivlə yanaşı, hazırda institutda müalicə alan ll Vətən müharibəsi qaziləri də qatılıblar.