Aztibb.az xəbər verir ki, tədbirdə Bakı Baş Səhiyyə Mərkəzinin direktoru Elçin Əmirov, direktor müavinləri, şöbə müdirləri, Mərkəzin tabeliyində fəaliyyət göstərən tibb müəssisələrinin 44 günlük Vətən müharibəsi zamanı iştirak edən əməkdaşları və digərləri iştirak edib.

 

Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra 44 günlük Vətən müharibəsindən bəhs edən videoçarx nümayiş edilib.

 

Zəfər gününə həsr olunmuş tədbirdə şəhidlərin əziz xatirəsi bir dəqiqəlik sükutla yad edilib. 

 

Bakı Baş Səhiyyə Mərkəzinin direktoru Elçin Əmirova Zəfər Günü münasibətilə tibb işçilərinə öz təbrikini ünvanlayıb. E.Əmirov xalqımız üçün çox əhəmiyyətli olan 44 günlük Vətən müharibəsinin nəticələri və müharibə zamanı həm arxa, həm ön cəbhədə fəal iştirak edən, torpaqlarımızın işğaldan azad olunması uğrunda gedən döyüşlərdə qəhrəmanlıq nümayiş etdirmiş tibb işçilərimizin rolundan bəhs edib, müharibə iştirakçılarına öz təşəkkürünü bildirib.

 

Tədbir müharibə iştirakçıları olan 2 nömrəli Vərəm Əleyhinə Dispanserin baş həkimi Ceyhun Əliyevin, Mərkəzin İnzibati şöbəsinin mütəxəssisi Ehtiram Hacıyevin və 38 nömrəli Şəhər Poliklinikasının həkimi Zəfər Əliyevin çıxışları ilə davam etdirilib.

 

Daha sonra çıxış edən Mərkəzin Ümumi şöbəsinin böyük mütəxəssisi Əli Quliyev Vətən müharibəsi zamanı əldə etdiyimiz qələbənin əhəmiyyətindən bəhs edərək, öz müharibə təəssüratlarını tədbir iştirakçıları ilə bölüşüb.

 

Sonda Vətən müharibəsi iştirakçılarına fəxri fərman və hədiyyələr təqdim olunub.