Braziliyanın San-Paulu əyalətində dünyanın ən təhlükəli əqrəblərindən biri olan Sarı əqrəb 7 yaşlı uşağın 7 dəfə infarkt keçirməsinə səbəb olub və vəziyyəti pisləşən uşaq dünyasını dəyişib.
Aztibb.az focus.ua-ya istinadla xəbər verir ki, Braziliyanın San-Paulu əyalətinin Anhembi şəhərindən olan 7 yaşlı Luiz Miqel Furtado Barbosa bazar günü ailəsi ilə tətilə getmək üçün evdən çıxarkən ayaqqabılarını geyinərkən dəhşətli hadisə baş verib. Dünyanın ən təhlükəli əqrəblərindən olan Sarı əqrəb Luizi sancıb. Ana Angelita Proença Furtado oğlunun qışqırığından qorxaraq: "Ayaqqabılarını geyinən kimi böyük ağrıdan qışqırdı. Ətrafa baxdıqdan sonra onu nəyin sancdığını tapa bilmədik. Amma ayağı qızarmağa başladı və Luiz ağrının getdikcə gücləndiyini dedi", - bildirib.
Həyat yoldaşı Erdaldo Barbosa ilə birlikdə evdə Sarı əqrəbin uşaqlarını sancdığını gördüklərini deyən ana, hadisədən 5 dəqiqə sonra uşaqlarını panzehirin tapılacağını düşündükləri xəstəxanaya aparıb. Müalicəsi pediatriya xidmətində başlayan kiçik oğlan bu müddət ərzində 4 dəfə infarkt keçirdi. Ertəsi gün Barbosa özünə gəlib və anası ilə danışdıqdan sonra vəziyyəti pisləşib. 3 dəfə yenidən infarkt keçirən uşaq oktyabrın 25-i çərşənbə axşamı dünyasını dəyişib.