Azərbaycan Respublikası Dövlət Gömrük Komitəsinin Tibbi Xidmət İdarəsinin Mərkəzi Hospitalının Texniki Təsərrüfat şöbəsinin əməkdaşı Muxtar Rəhimov Azərbaycan Respublikası Daxili İşlər Nazirliyində Təchizat şöbəsinin inspektoru olaraq polis təlimlərində iştirak etdikdən sonra könüllü olaraq cəbhəyə yollanmışdır. Müharibə zamanı M.Rəhimov 1993-1994-cü illərdə Ağdərə rayonunun Canyataq, Gülyataq, Qalayçılar və Papravent kəndlərində gedən şiddətli döyüşlərdə baş serjant kimi iştirak etmişdir.

 

Qeyd edək ki, M.Rəhimov 1984-1986-cı illərdə Rusiya Federasiyasının Moskva şəhərində Hərbi Aviasiya polkunda radioötürücü qurğular üzrə 3-cü dərəcəli aviamexanik vəzifəsində hərbi xidmətdə olub. O, 1992-2015-ci illərdə Azərbaycan Respublikasında Daxili İşlər Nazirliyində Təchizat şöbəsində inspektor vəzifəsində fəaliyyət göstərib. O, 2018-ci ildən Mərkəzi Gömrük Hospitalının Texniki təsərrüfat şöbəsində çalışır.

 

Azərbaycanın işğal olunmuş torpaqlarının azad edilməsi və möhtəşəm qələbənin qazanılmasında Muxtar Rəhimovun da payı var.