Azərbaycan Tibb Universitetinin Beynəlxalq əlaqələr şöbəsinin müdiri, Patoloji anatomiya kafedrasının müdir müavini, dosent Müşfiq Orucov Türkiyənin Ömer Halisdemir Universitetinin (NÖHÜ) Tibb fakültəsinin Tibbi patologiya kafedrasında iki həftə müddətində dərs keçib. 

Aztibb.az xəbər verir ki, səfər Türk Dövlətləri Təşkilatı Türk Universitetləri Birliyinin “Orhun mübadilə proqramı” çərçivəsində reallaşıb.

Səfər ərzində dosent M.Orucov NÖHÜ-nün rektoru, professor Hasan Uslunun Tibb fakültəsinin professor-müəllim heyəti ilə illik görüşündə iştirak edib, fakültənin dekanı, professor Üner Kayabaş və universitetin Beynəlxalq əlaqələr şöbəsinin müdiri dr. Hülya Üründü ilə görüşlər keçirib.

Görüşlər zamanı iki universitet arasında əməkdaşlığın perspektivləri, Türkiyədə tibb təhsilinin metodoloji əsasları və s. məsələlər barəsində fikir mübadiləsi aparılıb.