Gələn il səhiyyə sahəsində mövcud olan dövlət proqramlarının və tədbirlərinin maliyyələşdirilməsi üçün 235,8 milyon manat vəsait proqnozlaşdırılıb. Bu, 2022-ci illə müqayisədə 28,1 milyon manat və ya 13,5 faiz çoxdur.

Bu, “Azərbaycan Respublikasının 2023-cü il dövlət büdcəsi Zərfi”ndə əksini tapıb.

Həmin vəsait xəstələrin dərman preparatları, özünənəzarət vasitələri və digər ləvazimatla təminatının yaxşılaşdırılmasına, xəstəliklərə qarşı mübarizə tədbirlərinin daha da genişləndirilməsinə, xəstəliklərin profilaktikasına və müalicəsinə dair əhalinin maarifləndirilməsi tədbirlərinin maliyyə təminatı üçün nəzərdə tutulub.