"Modern Hospital" klinikasının həkim-uroloqu Elza Binnətovaya Azərbaycan Respublikasının Prezidenti yanında Ali Attestasiya Komissiyasının qərarı ilə tibb elmləri üzrə fəlsəfə doktoru elmi dərəcəsi verilib.

 

Aztibb.az-ın xəbərinə görə, o, "Yatrogen veziko-vaginal fistulların cərrahi müalicəsi və nəticələrin yaxşılaşdırma yolları" mövzusunda dissertasiya işini uğurla müdafiə edib.

 

Tədqiqat işində fistulların yerləşməsini, toxumaların vəziyyətini, sayını, ölçülərini nəzərə alaraq cərrahi girişlər müəyyən edilib və residiv fistulların yaranma səbəbləri araşdırılıb. Tədqiqat nəticəsində fistulların diaqnostikasında yetərli olduğu, ekskretor uroqrafiya, KT və MRT müayinələrinə ehtiyac olmadan (sidik axarı zədələmələri daxil deyil) transvezikal və transvaginal VVF ləğvi əməliyyatlarına göstərişlər, girişlərin üstünlükləri və çatışmazlıqları müəyyənləşdirilib.