Mərkəzi Gömrük Hospitaının Ümumi Cərrahiyyə şöbəsinin ümumi cərrahı Aynur Səfiyeva 27-29 oktyabr 2022-ci il tarixlərində Türkiyənin İstanbul şəhərində keçirilən Kolon və Rektal Cərrahlar Universitetinin Beynəlxalq Cəmiyyətinin 31-ci Konqresində iştirakçı və moderator qismində iştirak edib.

 

Aztibb.az xəbər verir ki, Türkiyə, ABŞ, Böyük Britaniya, İtaliya, Koreya, İsveçrə, Almaniya, Rusiya, Litva, Çin, Yaponiya və digər ölkələrin nüfuzlu kolon və rektal cərrahlarının iştirakı ilə keçirilən konqresdə kollerektal cərrahiyyədə yeniliklər, innovasiyalar, kök hüceyrələrinin tətbiqi, robotik cərrahiyyədə yeniliklər, COVİD-19 infeksiyasının kollerektal cərrahi xəstəliklərə təsiri, yenilənmiş protokolların olması mövzularında təqdimatlar edilmiş və mövzular ətrafında geniş müzakirələr aparılıb.

 

A. Səfiyeva 29 oktyabr 2022-ci il tarixində konqresin “Aparılan Tədqiqat işlərinin müzakirəsi” panelində moderator qismində iştirak edib. Aynur Səfiyevanın moderatorluğu ilə keçirilən paneldə bədxassəli törəmələrin və iltihabi bağırsaq xəstəliyində mikrobiomların tətbiqinə aid mövzularda müzakirələr aparılıb. Qeyd edək ki, tədbirdə dünyanın 50-dən çox ölkəsindən 1000-ə yaxın mütəxəssis iştirak edib. Həmçinin, konqres çərçivəsində kurslar keçirilib. Tədbirin sonunda iştirakçılara sertifikatlar tədim edilib.