BMT-nin Asiya və Sakit Okean üzrə İqtisadi və Sosial Komissiyasının (UNESCAP) cari ilin 19-21 oktyabr tarixlərində İndoneziya Hökumətinin təşkilatçılığı ilə Cakarta şəhərində “Əlilliyi olan şəxslərin Asiya və Sakit Okean Hövzəsi üzrə 2013-2022-ci illər üçün Yekun İcmalına dair yüksək səviyyəli hökumətlərarası iclası” keçirilib.
Aztibb.az xəbər verir ki, tədbirdə BMT-nin Asiya və Sakit Okean üzrə İqtisadi və Sosial Komissiyası üzv ölkələrindən nümayəndə heyətləri, müşahidəçi statusunda olan dövlətlərin təmsilçiləri, beynəlxalq və dövlətlərarası təşkilatlar, qeyri-hökumət təşkilatları, o cümlədən əlilliyi olan şəxslərin hüquqları sahəsində ixtisaslaşmış qeyri-hökumət təşkilatları geniş tərkibdə iştirak edib.
İclasda onlayn formatda Azərbaycandan Əmək və Əhalinin Sosial Müdafiəsi Nazirliyinin Əlillik siyasəti şöbəsinin müdiri Sabir Qocayev iştirak edib.
O, çıxışında əlillik sahəsində ölkəmizdə son 4 ildə aparılmış islahatlar, əldə olunmuş nailiyyətlər barədə məlumat verib. Əlilliyi olan şəxslərlə bağlı qanunvericiliyin beynəlxalq normalara uyğunlaşdırılması, rəqəmsal transformasiya və həllərin genişləndirilməsi, xidmətlərin proaktivləşdirilməsi, dövlət dəstəyinin dayanıqlılığı istiqamətində atılan mühüm addımlar qeyd edilib.
S.Qocayev erməni işğalından azad olunmuş ərazilərimizdə minalardan yaralanma və həlak faktlarına dair məlumatları da geniş auditoriyanın diqqətinə çatdırıb.
S.Qocayevin iclasdakı çıxışını aşağıdakı linkə daxil olaraq 6:05:14-cü saniyədən izləyə bilərsiniz:
