Texas Universitetindən olan alimlər adi MRT-skanerin köməyi ilə insanın fikirlərini “deşifrə etmək” üsulunu tapıblar. Yeni tədqiqat işi nitq qabiliyyəti olmayanlar üçün effektiv beyin-kompüter interfeyslərinin yaradılması məqsədilə istifadə edilə bilər.

Aztibb.az techinsider.ru-ya istinadla xəbər verir ki, bu məqsədlə beyinin MRT-skan edilməsi zamanı insanın eşitdiyi və ya düşündüyü sözləri  "oxumaq" üçün "dekoder" - alqoritm yaradılıb. MRT beyin vasitəsilə qanın oksigenlə dolması axınını izləyir. Alimlərin sözlərinə görə, belə yanaşma ayrı-ayrı neyronların fəallığının ölçülməsi üsulundan daha asandır.

Yeni tədqiqatda komanda 16 saat ərzində podkast və radio reportajlara qulaq asan 20-30 yaş arasında olan bir qadın və iki kişinin beyninin MRT-qeydlərinin köməyi ilə alqoritmi öyrəniblər.

Nəticədə alqoritm sınağın iştirakçılarının eşitdiyi qeydləri müvəffəqiyyətlə canlandırmağa nail olub.